Natamu Naha Make Punten?

NATAMU, NAHA MAKE PUNTEN?

            Adat urang Tasik (Sunda), lamun natamu ngucapkeun: “Puuunteen”, dijawab ku anu boga imah: “Maaanggaa”. Kecap “punten” wancahan tina “hapunten”, menta dihampura/ maap. Jejegna kalimat “Abdi nyuhunkeun dihapunten”. Jawabna “Mangga/tangtos dihapunten”. Sepuh kapungkur oge lamun natamu nyuhunkeun dihapunten. Kecapna: “Sampurasuuun”. Kalimat jangkepna: “Hampura ingsun”. Anu hartina sarua bae “Abdi nyuhunkeun dihapunten”.  Jawabna “Rampes” anu hartina “Mangga” (meureun).

            Naha make nyuhunkeun dihapunten sagala?  Lantaran urang Sunda mah rumasaan tea, lamun natamu teh bakal ngaganggu anu boga imah. Kapan cenah, “tamu” atawa “tatamu” teh hartina “kudu ditata jeung dijamu”. Ditata  (tatakrama= sopan santun) hartina dihormat, dijamu hartina disuguhan. Jadi tatamu teh kudu dihormat jeung disuguhan, nyusahkeun.

            Lamun kitu, atuh urang “nyemah” bae entong natamu? Ih sarua bae, dulur. Lantaran ceuk  beja, istilah “semah” teh singketan tina “ngahesekeun nu boga imah”. Tetep nyusahkeun oge.

(unikgaul.com)

            Tapi, peupeujeuh, omat, ieu tulisan ulah dianggap  ngalarang atawa  aya  pamikiran yen natamu jeung nyemah teh henteu hade lantaran bakal ngaganggu anu boga imah. Ieu mah sakadar nyukcruk galur asal-usul kecap “punten” lamun natamu. Saenyana, natamu atawa nyemah teh hade pisan lamun dibarengan ku niat silaturrahim. Firman Allah SWT. “….. Dan bertaqwalah kepada Allah yang dengan (mempergunakan) nama-Nya kamu saling meminta satu sama lain dan peliharalah (hubungan) silaturrahim. ……” (QS.An Nisaa’, 4:1)

Gandjar Sakri



Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: